2019 ஆம் ஆண்டில் ஒருநாள் போட்டிகளில் அதிகூடிய விக்கெட்டுக்களை வீழ்த்திய ஐவர் இவர்கள் தான்.

இன்னும் நான்கு நாட்களில் 2019 ஆம் ஆண்டுக்கு விடை கொடுக்கவுள்ளோம். இந்த நிலையில் இந்த வருடத்தில் இதுவரையான ஒருநாள் போட்டிகளில் எந்த பந்துவீச்சாளர் தனது முழுமையான திறமையை வெளிப்படுத்தி அதிகூடிய விக்கெட்டுக்களை வீழ்த்தியுள்ளார் என்ற கேள்விக்கு இந்த கட்டுரை பதிலளிக்கும்.

குறிப்பாக இங்கிலாந்தில் உலகக்கிண்ண கிரிக்கெட் தொடர் நடைபெற்றது . இன்னும் சில நாடுகளில் பல ஒருநாள் தொடர்கள் நடைபெற்றன. இந்த தொடர்களில் எல்லாம் ஒருசில தனிப்பட்ட பந்துவீச்சாளர்கள் தனித்து பிரகாசித்து , தாங்கள் பிரதிநிதித்துவப்படுத்தும் அணிகளுக்கு வெற்றியை ஈட்டிக் கொடுத்துள்ளார்கள் என்று குறிப்பிடுவது பொருத்தமானதாக அமையும்.

அந்த வகையில் 2019 ஆம் ஆண்டில் சர்வதேச ஒருநாள் போட்டிகளில் அதிகூடிய விக்கெட்டுக்களை வீழ்த்திய பந்துவீச்சாளராக இந்தியாவின் மொஹமட் ஷமி பதிவாகியுள்ளார். அவர் இந்த வருட போட்டிகளில் மாத்திரம் 42 விக்கெட்டுக்களை வீழ்த்தி இந்த சிறப்பை பெற்றுள்ளார். இந்த மைல்கல்லை மொஹமட் ஷமி வெறும் 21 போட்டிகளில் எட்டியுள்ளமையானது அவரது அதிசிறந்த பந்துவீச்சுக்கு ஆதாரமாய் அமைந்துள்ளது.

ஒருநாள் போட்டிகளில் 69 ஓட்டங்களுக்கு ஐந்து விக்கெட்டுக்கள் என்பது மொஹமட் ஷமியின் அதிசிறந்த பந்துவீச்சு பெறுதியாக அமைந்துள்ளது.

குறிப்பாக உலகக்கிண்ண கிரிக்கெட் தொடரில் லீக் சுற்றில் இந்திய மற்றும் ஆப்கானிஸ்தான் அணிகளுக்கு இடையிலான போட்டியில் மொஹமட் ஷமி ஹெட்ரிக் விக்கெட் வீழ்த்தியிருந்தமையும் சிறப்பம்சமாகும்.

மொஹமட் ஷமிக்கு முன்னர்  இந்தியா சார்பாக இந்த சாதனையை யார் படைத்தது?

இந்தியா சார்பாக மொஹமட் ஷமிக்கு முன்னர் வெறும் மூன்று வீரர்கள் மாத்திரமே தாங்கள் விளையாடிய காலகட்டத்தில் ஒருநாள் போட்டிகளில் அதிகூடிய விக்கெட்டுக்களை வீழ்த்தியவர்களாக பதிவாகியுள்ளனர்.

அந்தவகையில் 1986 ஆம் ஆண்டு இந்திய அணியின் முன்னாள் தலைவரான கபில் தேவ் அதிகூடிய விக்கெட்டுக்களை வீழ்த்தியவராக பதிவாகியிருக்கிறார்.
அதன்பின்னர்  1998 ஆம் ஆண்டு அஜித் அகார்கார் இந்த சிறப்பை பெற்றுள்ளார்.
அஜித் அகார்காருக்கு பின்னர் நான்கு வருடங்களில் இந்தியா சார்பாக இந்த சாதனையை எந்தவொரு பந்துவீச்சாளரும் படைக்கவில்லை என்பதும் குறிப்பிடத்தக்க காரணியாக அமைந்துள்ளது. குறிப்பாக 1998 ஆம் ஆண்டு தொடக்கம் 2003 ஆம் ஆண்டு வரையான காலப்பகுதி  அவுஸ்திரேலிய வீரர்கள் சர்வதேச மற்றும் டெஸ்ட் ​போட்டிகளில் கோலொச்சிய காலம் என்பது  கிரிக்கெட் ரசிகர்கள் யாவரும் அறிந்த விடயமாக பதிவாகியுள்ளது.

எவ்வாறாயினும் அவுஸ்திரேலிய வீரர்களையும் விஞ்சியவாறு இந்திய அணியின் முன்னாள் சகலதுறை வீரரான இர்பான் பதான் கடந்த 2004 ஆம் ஆண்டு ஒருநாள் போட்டிகளில் அதிகூடிய விக்கெட்டுக்களை வீழ்த்தியவராக பதிவாகியிருந்தார். குறிப்பாக இந்திய அணியில் அப்போதைய காலகட்டத்தில் சஹிர் கான் ,ஸ்ரிசாந்த் உள்ளிட்ட நட்சத்திர வேகப்பந்து வீச்சாளர்கள் இருந்தார்கள். அவர்களையும் விஞ்சி ஒரு பகுதி நேர வேகப்பந்து வீச்சாளராக தன்னை அடையாளப்படுத்திக்கொண்ட இர்பான் பதான்  இந்த மைல்கல் சாதனையை எட்டியிருந்தார்.

இது இவ்வாறிருக்க ,2004 ஆம் ஆண்டிலிருந்து 2018 ஆம் ஆண்டு வரையான 14 வருடங்களில் எந்தவொரு இந்திய பந்துவீச்சாளராலும் ஒருநாள் போட்டிகளில் ஒரு குறிப்பிட்ட வருடத்தில் அதிகூடிய விக்கெட்டுக்களை வீழ்த்தியவர் என்ற சிறப்பை பெற முடியாமல் போயிந்தது என்பதே நிதர்சனமான உண்மையாகும்.

எனினும் இந்த வருடத்தில் அதிகூடிய விக்கெட்டுக்களை வீழ்த்தியவராக மொஹமட் ஷமி பதிவாகியிருக்கின்றமை இந்திய கிரிக்கெட்டின்  எழுச்சிமிகுந்த வளர்ச்சியின் ஒரு அங்கம் என குறி்ப்பிடலாம்.

ஷமியின் போட்டியாளர்கள் யார்?

என்னதான் இந்த வருடத்தின் இதுவரையான ஒருநாள் போட்டிகளில் மொஹமட் ஷமி அதிகூடிய விக்கெட்டுக்களை வீழ்த்தியவராக பதிவாகியிருந்தாலும் , அவருக்கு அதிக போட்டியாளர்கள் இருந்துள்ளனர் என்பது கவனிக்கத்தக்க காரணியாக அமைந்துள்ளது.

குறிப்பாக நியூசிலாந்து அணியின் நட்சத்திர வேகப்பந்து வீச்சாளரான ட்ரன்ட் போல்ட் , 2009 ஆம் ஆண்டில் 38 விக்கெட்டுக்களை வீழ்த்தி இந்த பட்டியலில் இரண்டாமிடத்தை பிடித்துள்ளார். மொஹமட் ஷமியை போலல்லாமல் தனக்கேயுறிய பாணில் அபாரமாகவும் அற்புதமாகவும் பந்துவீசும் ட்ரன்ட் போல்ட் வெறும் 20 போட்டிகளில் இத்தனை விக்கெட்டுக்களையும் வீழ்த்தியுள்ளமை சிறப்பம்சமாகும்.

21 ஓட்டங்களுக்கு ஐந்து விக்கெட்டுக்கள் என்பது இந்த வருட ஒருநாள் ​போட்டிகளில் ட்ரன்ட் போல்டின் அதிசிறந்த பந்துவீச்சு பெறுதியாக அமைந்துள்ளது.

ட்ரன்ட் போல்டுக்கு அடுத்தபடியாக நியூசிலாந்தின் மற்றொரு மித வேகப்பந்து வீச்சாளரான லொக்கி பேர்கியூசன் இந்த வருடத்தில் அதிகூடிய விக்கெட்டுக்களை வீழ்த்தியவராக பதிவாகியிருக்கிறார்.

லொக்கி பேர்கியூசன் இந்த வருடத்தில் 17 போட்டிகளில் விளையாடி  அதில் , 35 விக்கெட்டுக்களை வீழ்த்தியுள்ளார்.
2019 ஆம் ஆண்டில் ஒருநாள் போட்டிகளில் அதிகூடிய விக்கெட்டுக்களை வீழ்த்திய பந்துவீச்சாளர்களின் பட்டியலில் பங்களாதேஷ் அணியின் நட்சத்திர வேகப்பந்து வீச்சாளரான முஸ்டபிஷூர் ரஹ்மான் இடம்பிடித்துள்ளார். அவர் 16 போட்டிகளில் 34 விக்கெட்டுக்களை வீழ்த்தியுள்ளார்.

அதற்கு அடுத்த இடத்தில் இந்திய அணியின் மற்றொரு வேகப்பந்து வீச்சாளரான புவனேஷ்வர் குமார்  இருக்கிறார். புவனேஷ்வர் குமார் 2019 ஆம் ஆண்டு ஒருநாள் போட்டிகளில் , 33 விக்கெட்டுக்களை வீழ்த்தியுள்ளார்.
புவனேஷ்வர் குமார் வெறும் 19 போட்டிகளில் இந்த இலக்கை அடைந்துள்ளதோடு , 31 ஓட்டங்களுக்கு நான்கு விக்கெட்டுக்கள் என்பது அதிசிறந்த பந்துவீச்சாக அமைந்துள்ளது.

நூல் அறிமுகம். 

பர்வேஸ் முஷரஃப் பாக் கில் சிக்கிய பல்.

பாகிஸ்தானில் வருடம் முழுதும் உள்நாட்டு யுத்தம்,  கலவரம்,  தீ-வைப்பு, இனி இல்லை என்ற அளவுக்கு அநியாயங்கள்.  இவை அனைத்துக்கும் காரணம் அந்நாட்டின் முன்னாள் ஜனாதிபதி   பர்வேஸ் முஷரஃப்தான் என்கிறார்கள் மக்கள்.  யார் இந்த முஷாரப்  என்ற கேள்விக்கு சரியான அறிமுகத்தை வழங்குகின்ற  இந்த நூல் இராணுவ புரட்சி மூலம் உலகில் ஆட்சியை பிடித்த தலைவர்களில் முஷாரப்பியையும் கூறி நிற்பது சிறப்பானது.

1999ல் நவாஸ் ஷெரீஃபை ஆட்சியை விட்டு நகர்த்தி எரிந்து விட்டு முஷரஃப் ஆட்சிக்கு வந்தபோது பாகிஸ்தான் மக்கள் சந்தோஷமாகவே அவரை வரவேற்றார்கள். ஆனால் மிக விரைவில் அந்த சந்தோஷம் வெறுப்பின் உச்ச கட்டமாக  மாறிப்போனது. இதற்கான காரணங்கள் அடுக்கடுக்காக இந்த நூலில் திறம்பட கூறப்பட்டுள்ளது. 

ஆப்கனிஸ்தான் மீதான அமெரிக்கப் படையெடுப்பின் போது ஜார்ஜ் புஷ்ஷின் ஆதரவாளராக அவர் நின்றதில் தொடங்குகிறது இந்த வன்மம். பாகிஸ்தான் அடிப்படைவாதிகளால் முஷரஃபின் எந்த ஒரு முற்போக்கு முயற்சியையும் சகிக்கமுடியவில்லை. அவரை அடியோடு அளித்து விட அல்லது வேரோடு சாய்த்து விட பாகிஸ்தானில் மட்டுமல்லாது உலக நாடுகள் பலவற்றில் மிக முக்கியமாக  ரஸ்யாவால்  கூட  ஏராளமான முயற்சிகள் மேற்கொள்ளப்பட்டிருந்தன.

ஆட்சியில் நிலைப்பதற்காக முஷரஃபும் ஏராளமான தகிடுதத்தங்கள் செய்யவேண்டியதானது. அதற்கு   அமெரிக்காவின் கொடுமையான ஜனாதிபதியாக இன்றும்  அந்த நாட்டு மக்களால்   நிலை நிறுத்தப்படும் ஜார்ஜ்  புஷ்சும் மிக முக்கியமானதொரு காரணம். அவர் செய்த பல திகிடு திட்டங்களுக்கு முஷாரப்பும் உடந்தையாக  அருகில் நின்றார்.   இதன் போது தான் முஷாரப்  உலக நாடுகளின்  பழி சொல்லுக்கு ஆளாக்கப்பட்டார் . அவர் அத்தனை காலமும் சம்பாதித்து வைத்த பெயர் புகழ் மங்க தொடங்கியது.அந்தக் கணத்திலிருந்துதான்.

 அதனாலேயே அவர் உருப்படியாகச் செய்த பல நல்ல காரியங்கள் அடையாளமில்லாமல் போயின. 2007ம் வருடத் தொடக்கத்திலிருந்து முஷரஃபை முன்வைத்து பாகிஸ்தானில் நிகழ்ந்த பல சம்பவங்கள் அத்தேசத்தின் சரித்திரத்தை ரத்தப் பக்கங்களால் நிரப்புபவை. வாஜிரிஸ்தான் போர்களும் லால் மசூதித் தாக்குதலும் பாகிஸ்தானின் அப்போதைய உச்சநீதிமன்றத் தலைமை நீதிபதி பதவி நீக்கத்தை அடுத்து நடைபெற்ற ஏராளமான கலவரங்களும் இன்னபிறவும் இன்றும் நெஞ்சை  பாதை பதைக்கச் செய்யும் கோர நிகழ்வுகள்.

மிக முக்கியமாக பாகிஸ்தானின் முன்னாள்  அதிபர் பர்வேஸ் முஷர·பின் இந்த சுயசரிதை நூல் நமக்கு எடுத்துக்காட்டும் அறிமுகம்  யாதெனில் இந்த உலகம், பயங்கரங்களால் ஆனது என்பது மட்டும் இந்த நூலில் மிக நேர்த்தியாக விளங்கும். இப்படி அவர்  ஜார்ஜ்  புஷ்சும்டன்  நிரந்தரமான பிரிவை ஏற்படுத்திக் கொண்டு    பாகிஸ்தான் ஒரு பயங்கரவாத தேசமல்ல என்று பல முறை அழுத்தமாக உலகுக்கு கூற முயன்றாலும் , மத அடிப்படைவாதிகள் தொடங்கி, மண்ணை ஆண்ட மனிதர்கள் வரை அதனை ஏற்றுக் கொள்ள வில்லை. மிக முக்கியமாக இந்த நூலில் நூலாசிரியர் ........  தீவிரவாதத்துக்கு எதிராக அமெரிக்கா மேற்கொண்ட உலகு தழுவிய யுத்தத்தில் பாகிஸ்தான் பங்கெடுக்க நேர்ந்ததன் பின்னணியை வெகு நேர்த்தியாக விபரித்திருக்கிறார்.

இந்த நூலில் மூலமாக முஷாராஃபீன் பல முகங்கள் வெளியில் வரும். உதாரணமாக  , ராணுவத் தளபதியாக இருந்த காலத்தில் அவர் பயணம் செய்த விமானத்தை பாகிஸ்தான் பிரதமரே கடத்தச் சொல்லி உத்தரவிட்டு நடத்திய நாடகம், விமான எரிபொருள் தீர்ந்துகொண்டிருந்தபோது வானவெளியில் அவர் அனுபவித்த  விவரிப்புக்கு அப்பாற்பட்ட பதற்றம், மண்ணுக்கு வந்தபோது நிகழ்ந்திருந்த மாபெரும் ராணுவப் புரட்சி. முஷரஃப் ஒரு மிகத் தேர்ந்த சித்திரிப்பாளராகவும் இந்நூலின் மூலம் அறிமுகமாகிறார்.

தனது நினைவுத்தொகுப்பு நூலான 'In the Line of Fire' ல் முஷரஃப் சொல்லாமல் விடுத்த விஷயங்களையும் 'மாற்றி'ச் சொன்ன விஷயங்களையும் இந்த நூலை வைத்து நீங்கள் ஒப்பிட்டுப் பார்க்கலாம்.  முஷரஃபின் முழுமையான அரசியல் வாழ்க்கை  மாத்திரமன்றி சர்வதேச அரசியலில் ஆர்வம்  கொண்டர்வர்களுக்கான ஒரு பெட்டகம் இந்த நூல் என்பேன்.

நூல் அறிமுகம்.இபின் பதூதா.
வாழும்  காலத்தில் பயணம் செய்பவர்களை நாம் அறிவோம். ஆனால் பயணம் செய்வதற்காகவே வாழ்ந்தவர் இபின்  பதூதா. இன்று நாம் மேற்கொள்ளும் பயணங்களைப் போன்றதல்ல இப்ன் பதூதாவின் பயணங்கள். கால் கடுக்க நடக்க வேண்டும். பாலைவனங்களைக் கடக்கவேண்டும். கடலில் மிதக்க வேண்டும். எங்கும் ஆபத்து, எதிலும் ஆபத்து.ஓர் ஆராய்ச்சியாளருக்கு இருக்கவேண்டிய அத்தனை அம்சங்களும் இப்ன் பதூதாவிடம் இருந்தது. 
30 ஆண்டுக் காலம் பயணியாய், இரு கண்டங்கள், 44 நாடுகளில்   பனி உறைந்த மலைகள், சுட்டெரிக்கும் சகாரா மணல், நைல் நதியின் வெள்ளம், கொந்தளிக்கும் கடல் என்று கடந்து வந்தவர். யுவான் சுவாங் போல மூன்று மடங்கு பயணித்தவர்.
“மாபெரும் பறவையின் சிறகின் மீது இருப்பதாகக் கனவு கண்டேன்; அது என்னுடன் மெக்காவின் திசைவழியில் பறந்து பின்னர் ஏமனை நோக்கிச் சென்றது... இறுதியில் கிழக்கினை நோக்கி நீண்டு பயணித்து, பசுமையும் இருளும் கொண்ட நாடொன்றில் இறங்கி என்னை அங்கே விட்டுச்சென்றது” என்று பதூதா தன் குறிப்புகளில் எழுதுகிறார். நைல் நதியின் டெல்டா பகுதிக் கிராமம் ஒன்றில் இருந்தபோது அவரது பதிவு இது.
அவரது பயணம் பிரம்மாண்டமான பறவையுடன் சென்ற பயணமாகவும், பிரம்மாண்டமான பறவையின் பயணமாகவும் இருக்கிறது. “ஒரு பறவை தன் கூட்டிலிருந்து சிறகடித்துச் செல்வதுபோல், புனிதத் தலங்களைத் தரிசிக்கும் வேட்கையுடனும் உறுதியுடனும், உற்றார் உறவினிடமிருந்து பிரிந்து புறப்பட்டேன்.” இப்புறப்பாடு அவரது 21 வது வயதில்.என்று அவரது மொழியில் அவர் பற்றி அவரது பயணங்கள்  பற்றி எழுதிய ஆதாரங்கள் தான் இந்த நூலில் முலிடம் பிடித்திருக்கின்றன.

மேலும் இபின் பதூதா தனது பயணத்தை ஆரம்பித்தமைபற்றி இந்தநூல் இவ்வாறு சான்றுகளை பகர்கின்றது. அதாவது ஷேக்அபு அப்துல்லா முகம்மது இபின் அப்துல்லா இபின் முகம்மது இபின் இப்ரஹிம் அல்-லாவதி என்னும் முழுப் பெயருடைய இபின் பதூதா மொராக்கோவின் டாஞ்சியர்ஸ் நகரிலிருந்து மெக்காவிற்குப் புனிதப் பயணம் மேற்கொள்ளத் தொடங்குகிறார். வழக்கறிஞர் குடும்ப மரபில் வந்தவராதலால், மெக்காவில் சட்டத் துறை அறிவை மேம்படுத்திக்கொள்ளும் ஆசையைக் கொண்டிருந்தார்.

டுனிஷ், அலெக்ஸாண்டியா, கெய்ரோ, பெத்லகேம், ஜெருசலேம், டமாஸ்கஸ், பாரசீகம், பாக்தாத், ஏமன், ஓமன், ரஷ்யா, ஆப்கானிஸ்தானம், இந்தியா என்று அவரது வழித்தடம் விரிந்துகொண்டே போகிறது. இதற்கிடையே மூன்று முறை ஹஜ் பயணம் மேற்கொள்கிறார். இரண்டாண்டுகள் மெக்காவில் தங்கிச் சட்டம் படிக்கிறார்.

30 ஆண்டுகள் பயணிக்க ஒருவருக்கு எவ்வளவு வசதி வாய்ப்புகள் இருக்க வேண்டும்! ஆனால் பதூதாவைப் பொறுத்தவரை அப்படி இல்லை. சாதாரண குடும்பத்தவரான பதூதாவுக்கு, ஓர் அறிஞர் என்ற வகையில் அவர் செல்லும் நாடுகளின் மன்னரெல்லாம் உதவுகின்றனர். ஒரு மன்னர் குதிரையும் இரு தங்க நாணயங்களும் அளித்தால் இன்னொருவர் பட்டாடை அணிவித்துப் பல்லக்கில் அழைத்துச் செல்கிறார். 

அரண்மனையில் தங்கி எவ்வளவு நாட்களையும் கழித்துவிடலாம்.இந்தியாவில் முகமது பின் துக்ளக் ஆட்சிக் காலத்தில் வந்த அவர், ஏழாண்டுகள் நீதிபதியாக இருந்திருக்கிறார். மாலத்தீவுகளில் 18 மாதங்கள் நீதிபதியாகப் பணியாற்றியிருக்கிறார். துக்ளக்கின் தூதுவராகப் பெரும் பரிவாரம், பரிசுப் பொருட்களுடன் சீனம் சென்று வந்திருக்கிறார்.

மேலும்  பனி மூடியிருக்க, 40 நாட்கள் கடின பயணத்தினால் இந்தியா வந்த போது மொகலாய சாம்ராஜ்யத்தின் மாமன்னர்  துக்ளக்கின்  கோபத்துக்கு ஆளான வரலாறுகள் பற்றிய தக்வல்களும் இந்த நூலில் மேலதிக தகல்களாக சேர்க்கப்பட்டுள்ளன. இஸ்லாத்தின் மிகப் பெரிய பயணி இவர் என்று யாரேனும் கூறினால் அது பொய்யில்லை” என்று அந்தக் குறிப்புகள் முடிகின்றன.
 மார்க்கோபோலோவின் பயணக் குறிப்புகளில்கூடச் சந்தேகங்களும் குழப்பங்களும் உண்டு. ஆனால் பதூதாவின் குறிப்புகள் துல்லியமானவை என்று இன்று உறுதிப்படுத்தப்பட்டுள்ளது.

“வாழ்வென்பது தூய சுடர், நமக்குள்ளேயிருக்கும் புலப்படாத சூரியனால் நாம் வாழ்கிறோம்” என்பார் தாமஸ் பிரவுன். அத்தகைய சூரியன் பதூதாவுக்குள் கனன்றுகொண்டிருந்திருக்க வேண்டும்.
தேடல், புதிய பிரதேங்களை, புதிய மனிதர்களைச் சந்திக்கும் ஆர்வம். கூடுதலாக, உள்ளம் முழுக்க உறுதி.வரலாற்று துறைக்கு சார்ந்தவர்களுக்கு எஸ். சந்திரா மௌலியின் இந்த நூல் வரமே. 

நூல் அறிமுகம்.

போராளிகள்

மனித சமுதாயத்தின் நலனுக்காக தன்னை முழுமையாக அர்பணித்துக் கொள்பவர்கள் போராளிகளாக அடையாளம் காட்டப்படுகிறார்கள். மனித உரிமைக்காக அடக்கு முறைகளை சர்வாதிகாரங்களை எதிர்த்து அதில் வெற்றி கண்டவர்களுக்கு உலக வரலாற்றில் என்றென்றும் நிரந்தர இடமுண்டு.

ஏற்றதாழ்வுகள் நிறைந்த மனித குலத்தில் உரிமைகள் மறுக்கப்பட்ட சமுதாயத்துக்காக  போரட்டத்தை முன்னெடுக்கும் போது ,அந்த சமுதாயத்தின் பிரதிநிதியாக முன்னின்று போராடியவர்கள் விடுதலையின் விடியலாக உருவெடுக்கிறார்கள். அத்தகைய போராளிகள் ஒடுக்கப்பட்டோரின் விடுதலைக்காகவும் பென்னுரிமைக்க்காகவும் கல்வி உரிமைக்காகவும் போராடி உரிமையை வென்றெடுக்கிறார்கள்.
இது போன்ற உரிமை போரில் களத்தில்  நின்றவர்களில் ஏராளமான பெண்களும் இருக்கிறார்கள். இத்தகைய புரட்சி பெண் போராளிகள் பலர் உலகப் பெண்களுக்கு முன் உதாரணமாக திகழ்கிறார்கள். அந்த பெண் போராளிகளின் விபரங்களையும் அவர்கள் எந்தெந்த துறையில் தமது உரிமைகளுக்காக போராடினார்கள் என்பது தான் போராளிகள் நூல்.
 
குறிப்பாக மகாத்மா காந்தியின் துறையில் அகிம்சை வழியில் போராடி கடும் காவல் சிறை தண்டனை பெற்று தமது மக்களுக்காக உரிமைகளை பெற்ற மியன்மாரின் ஆன் சாங் சூகி. மணிப்பூர் மண்ணில் உண்ணாநிலை அறப்போரில் பத்தாண்டுகளாக ஈடுபட்டு வரும் ஜெரோம் ஷர்மிளா போன்றவர்கள் போராட்டத்தின் உச்சகட்டத்தை தொட்டு தமது கொள்கைகளில் வென்று காட்டியவர்கள்.
மேலும் மருத்துவர் பினாயக் சென் , கல்வி போராளி பெண்களின் ஆதர்ஷ நாயகி மலாலா ,வெனிசுலாவின் பொது உடமை போராளி சாவேஸ் ,இந்தியாவின் விடுதலைக்காக  விளிம்பு நிலை மக்களுக்காக தன வாழ்நாளை அர்பணித்துள்ள சமூகப் போராளி மேதா பட்கர் ,சுற்று சூழல் போராளி வங்காரி மாதாய் ,எழுத்து இலக்கிய போராளி அருந்ததி ராய் ,ஆகியவர்கள் குரிப்பிடத்தக்க்கவர்கள்.

 இவர்கள் போராளி ஆனது எப்படி? அவர்களது போராட்டம் எவ்வளவு காத்திரமானது என்பதனை மு.செந்திலதிபனின் இந்த நூல் விபரிக்கிறது.  வெறுமனே விமரசனங்களை மட்டுமே விமர்சித்து பழகி இருக்கின்ற நமக்கு போராளிகள் நூல் நல்லதொரு புரிதலை ஏற்படுத்தும்.

               இடி அமின்.

உகாண்டா மக்கள் மட்டுமல்ல உலகமே உச்சரிக்க பயந்த ஒரு பெயர் இடியமின். இந்த கொடூர மனிதர் தான் இறக்கின்ற வரைக்கும் கொன்றொழித்த மனித உயிர்களின் எண்ணிக்கை மட்டும் சுமார் ஒரு லட்சம் முதல் ஐந்த லட்சம் வரை இருக்கும் என வரலாற்றியர்கள் கணக்கெடுக்கிறார்கள். மனித ரத்தம் குடிப்பார் , மனித உடல் பாகங்களை தின்பார் ஒட்டு மொத்தத்தில் நர மாமிசம் தின்னும் ஒரு மனிதரை பற்றிய ஆவணம் இந்த புத்தகம்.

இடியமின் குறித்த வதந்திகளும் கட்டுக்கதைகளும் மிக அதிகம் என்றாலும் உகாண்டாவின் சர்வாதிகாரியாக அவர் ஆட்சியில் இருந்தக் காலத்தில் அரங்கேறிய இனப் படுகொலைகளும் , அரசியல் அராஜகங்களும் ,பல உகாண்டா இளம் பெண்கள் மீதான கற்பலிப்புக்கலுக்கும் மனித உரிமை மீறல்களுக்கும் வலுவான ஆதாரங்கள் இன்றும் இடியமின் மீது முன்வைக்கப்படுகின்றன. 

எதிர்ப்பவர்களை மட்டுமல்ல தன்னை எதிர்க்க நினைப்பவர்களையும் அமின் என்ற கொடுங்கோலன் அழித்திருக்கிறான்.

இவ்வாறு நூலில் மொத்தம் பதினோரு தலைப்புக்களில் இடியமின் பற்றி குறிப்பிடப் பட்டிருக்கின்ற தகவல்கள் அனைத்தும் உண்மையில் ஒரு நிமிடம் நம்மை சஞ்சலப் படத்தான் வைக்கின்றன.சாதாரண ஒரு சமையல் காரனாக தனது வாழ்க்கையை தொடங்கி படிப்படியாக உகண்டா ராணுவத்தில் ராணுவ வீரர்களுக்கு பணிவிடை செய்தது,ராணுவ சிப்பாய் அதன் பின்  ராணுவ வீரனாக மாறியது பின்பு ராணுவ சார்ஜன் , தலைமைப் படை அதிகாரி, படை தளபதி, பில்ட் மார்ஷல் உகாண்டா நாட்டின் ஜனாதிபதி என்று தொடர்கின்ற நூலில் இடியமின் பற்றிய தகவல்கள் வாசிப்பை தூண்டுகின்றன.

இடியமினின் மிக முக்கிய பலமே எந்த சந்தர்ப்பத்திலும் யார் முன்னேயும் அமைதியுடனும் , ஆரவாரமின்றியும் நடந்துக் கொள்வது தான். இவ்வாறாக அடிமை சங்கிலி என்று தலைப்பிடப் பட்ட கட்டுரையில் இடியமின் ராணுவ தளபதியான வரலாறும் , வளர்த்த கடா என்ற கட்டுரையில் அரசாங்கத்தை கவிழ்த்து தான் சர்வாதிகாரியாக ஆனமை பற்றியும், இந்தியனே  வெளியேறு என தலைப்பிடப் பட்ட கட்டுரையில்  இந்தியர்களை இடியமின் எவ்வாறு எல்லாம் சித்திரவதைகள் படுத்தினார் அதற்கான காரணங்கள் என்ன ? போன்ற தகவல்களும் காதல் காமம் கொலை என்ற தலைப்பிடப் பட்ட கட்டுரையில் இடியமினின் மனைவிகள் , அவரது ஆசைக்கு அடங்கிய இளம் பெண்கள், அவரால் கற்பழித்து கொலை செய்யப் பட்ட பெண்களின் எண்ணிக்கை என்று தகவல்கள் நீள்கிறது நூலில்.

இஸ்ரேல் கொடுத்த அடி, பேராயர் கொலை , மனிதக் கறி , ஓடிப் போனமை , ஒழிந்தமை ,இறந்தமை உகாண்டாவில் சுதந்திரக் காற்று என மேலதிகமாக இருக்கின்ற தலைப்புக்கள் அனைத்தும் இடியமினின் கொடுமைகளை கண் முன் நிறுத்துகின்றன.

இடியமின் செய்தது சீர் திருத்தமா , சீரழிவா என்பதை உலகம் என்றுமே புரிந்துக் கொள்ள வில்லை. உண்மை தெரிய வந்தப் போது ஒரு தேசம் அங்கெ அழிந்துக் கொண்டிருந்தது. ஹிட்லர் , முசோலினி வரிசையில் மனித குலத்துக்கு பெரும் நாசம் விளைவித்த சர்வாதிகாரியான இடியமினின் வாழ்க்கையை உகண்டா தேசத்தின் வரலாறோடு சேர்த்து தந்திருக்கிறார் நூலாசிரியர் ச.ந கண்ணன். நிச்சயம் இந்த நூலை சந்தர்ப்பம் கிடைத்தால் வாசித்து பாருங்கள். 

வின்சென்ட் சேர்ச்சில் .

வின்சென்ட் செர்ர்ச்சில் பற்றி அவ்வப்போது நாம் கேள்விப் பட்டிருபோபோம். அனால் அவரை அவரது வாழ்க்கை யை அப்படியே அச்சொட்டாக விளக்கியிருக்கிறது இந்தப் புத்தகம்.  போருக்கு என்று  சென்று விட்டால் உறுதி, தோல்வியில் எதிர்ப்பு; வெற்றியில் கண்ணியம்; அமைதியில் நல்லெண்ணம்’ - இதுவே ஒரு உலக வரலாற்றில் அன்றும் இன்றும் மாபெரும் தாரக மந்திரம்; சர்ச்சில் என்ற மாமனிதர் உதிர்த்த வார்த்தைகள்தான் இவை. உழைப்பு, வீரம், எழுச்சி, திறமை, எதற்கும் அஞ்சாத போர்க் குணம்... இதுதான் வின்ஸ்டன் சர்ச்சில். இது தான் அவருக்கான அடையாளம்.

காட்டில் கால்நடையாக அலைவதைவிட யானையின் மீது அமர்ந்து போவது எளிது. யானை, துதிக்கையால் ஊசியை எடுக்கும். மரத்தை வீழ்த்தும். அதன் முதுகின் மேலிருந்து எல்லாவற்றையும் காணலாம். ஒரு காலத்தில் சேர்ச்சில் செய்தார். அது தான் 2ம் உலக யுத்தம்.பத்திரிகையாளனாகத் தன் வாழ்வைத் தொடக்கிய சர்ச்சில், ராணுவ வீரனாக உயர்ந்து தளபதியாக உருவெடுத்து நிதி அமைச்சராகி, இரண்டு முறை இங்கிலாந்துப் பேரரசின் பிரதம மந்திரியாக ஜொலித்தவர். ‘செய்தியை எழுதிக்கொண்டிருப்பதைவிட, ஒரு செய்தியைப் படைப்பது சிறந்தது’ என்று அவர் தனது முதல் நூலில் ஒரு கருத்தை வெளியிட்டதற்கு ஏற்ப அவருடைய அமைதியற்ற உள்ளம் போரில் ஈடுபட விரும்பியது என்றெல்லாம் அவருடைய வாழ்கை இந்த நூலில் அற்புதமாய் கூறப்பட்டுள்ளது.

இருபத்துமூன்று வயதில் போர். அவர்  கடை பிடித்த போர் முறைகள். அவருக்கு கிடைத்த அனுபவங்கள். அரசியல் அறிவும், உலக மக்களைப்பற்றிய அறிவும் பெற்றிருந்த வின்ஸ்டன், சாவ்ரோலா என்ற புதினத்தை எழுதியிருக்கிறார். அதன் கதாநாயகன் சாவ்ரோலா அடைந்த வெற்றிகளைப் பிற்காலத்தில் சர்ச்சிலும் அடைந்தார் என்பதுதான் வியப்பு. வின்ஸ்டன் சர்ச்சிலின் அகராதியில் ‘செயல்’ என்றால் ‘போர்’ என்று பொருள். அவர் போர் அனுபவங்களைப்பற்றிப் பதினான்கு நூல்களை எழுதியிருக்கிறார் போன்ற தரவுகள் எல்லாம் மேலதிகமாக இந்த நூலுக்கு பெருமை சேர்த்திருக்கின்றன. 

இங்கிலாந்துக்கு  முதலாம் மற்றும்  இரண்டாம் உலக மகா  யுத்தங்களின் போது இங்கிலாந்தை வழிநடத்தியது முதல் அந்த நாட்டு மக்களுக்கு நட்டு போர் வீரர்களுக்கு  அவர் ஆற்றிய போர் உரைகள் மட்டும் 20 நூல்களாகத் தொகுக்கப்பட்டிருக்கின்றன. உலக யுத்தங்களின் போது மட்டும் இங்கிலாந்துக்காக எட்டுப் படைகளில் அவர் பணிபுரிந்திருக்கிறார். உலகப்போர்களுக்கு முன்னர் அவர் நான்கு படையெடுப்புகளில் பங்கு பன்குபற்றியிருக்கீரார். போர் நிருபராகப் பெருந்தொண்டு புரிந்துள்ளார். இரு உலகப்போர்களையும் இயக்கி இன்றலச்வும் இங்கிலாந்தை ஒரு வெற்றி சரித்திரமாக மற்றிய அமைத்திருகின்ற அவருக்கு மட்டுமே உரியது. 

வேறு பல ஆட்சியாளர்கள் இருந்திருந்தாலும் சேர்ச்சில் அளவுக்கு இங்கிலாந்து நாட்டு வெற்றிக்காக அவர்கள் உழைக்க வில்லை போன்ற தகவல்களோடு இந்த நூல அமையபெற்றிருக்கிறது.  நூலாசிரியர் எம்.எக்ஸ்.மிராண்டா வின் எழுத்துக்கள் வின்சென்ட் சேர்ச்சில் எவ்வளவு பெரிய இன்றியமையாத தலைவர் என்பதையும் அவர்  கொண்டிருந்த போர் குணத்தையும் தெளிவாக தந்திருக்கிறார். வின்ஸ்டன் சர்ச்சிலின் வாழ்க்கைச் சரித்திரம் போராட்டம் நிறைந்தது. படிக்கப் படிக்கப் வாசிப்பு என்ற அமிர்தத்தை  தரக் கூடியது எத்தனை போர்கள்.. எத்தனை அரசியல்கள்.. எத்தனை துரோகங்கள். சர்ச்சிலின் சரித்திரத்திலிருந்து பாடம் கற்போம்  இந்த நூல் துணைக் கொண்டு.

 தோனி vs  சமி. அனல் பறக்கும் ஆட்டம் இன்று.

ஒரு பக்கம் இரண்டு அணிகளும் தலா ஒவ்வொரு முறை கிண்ணம் வென்றிருக்கின்றன. (இந்தியா 2007, மேற்கிந்திய தீவுகள் 2012).  சொந்த ஆடுகளங்கள், அணியின் மொத்த பலமும் துடுப்பாட்ட வீரர்களை நம்பி, இந்தியா வெல்லுமா மாறாக அணைத்து போட்டிகளும் அடித்தாடி வெற்றிகளை குவிக்கின்ற மேற்கிந்திய தீவுகள் வெல்லுமா என்று பலரும் தமக்குள்ள சிலாகித்துக் கொண்டிருக்க இந்த போட்டி பற்றி எனத் தனிப்பட்ட கருத்தை முன்வைக்க எத்தனிக்கின்றேன்.

சொந்த மண்ணில் இந்திய அணி.

2007 ம் ஆண்டு கிண்ணம் வென்ற குதூகலத்துடன் முதல் சுற்றில் இறுதிப் போட்டியில் பல பொருந்திய ஆஸ்திரேலிய அணியை வீழ்த்திய பெருமிதத்துடனும் டோனி தலைமையிலான இந்திய அணி இறுதிப்போட்டிக்கு நுழையலாம் என்று முழு பலத்துடனும் முழு நம்பிக்கையுடனும் இருக்கிறது. அணியின் மிக பெரிய பலமே துடுப்பாட்ட வீரர்கள் உள்ளடங்கலான அஷ்வின், நெஹ்ரா ஆகியோரின் பணமது வீச்சு அனுபம்  தான். ரோஹித் ஷர்மா, தவான், விராட், யுவராஜ் ( சிலவேளைகளில்), டோனி, ரெய்னா, ஜடேஜா, பெரிய விதத்தில் பல வெற்றிகளுக்கு பங்களித்திருக்கின்ற பாண்டியா, மற்றும் அஷ்வின் வரைக்கும் துடுப்பாட்ட வீரர்கள் இருப்பதும் அணிக்கு கூடுதல் பலம்.

யுவராஜ் சிங்குக்கு கடந்தப் போட்டியில் காலில் ஏற்பட்டிருந்த தசைபிடிப்பு  காரணமாக இன்ற போட்டியில் அவர் பங்கு பற்ற மாட்டார் என்று இன்று அதிகாலை வேளையில் அறிய கிடைத்தது. அவருக்கு பதிலாக டோனி ஒரு சகலதுறை வீரரை பயன்படுத்தலாம் என்று நான் யோசித்திருந்த தருணம் யுவிக்கு பதில் (மனிஷ் பாண்டி, ரஹானே, நேகி) ஆகியோரில் ஒருவர் விளையாடலாம்.என்னுடைய யூகத்தின்  படி மனிஷ் பாண்டி விளையாடக் கூடிய சந்தர்ப்பங்கள் அதிகமாக இருக்கின்றன அவர் சகல துறை வீரராக இருக்கின்ற படியினால்.

தவிரவும் இன்றைய போட்டியில் தொடர்ந்து துடுப்பாட்டத்தில் சறுக்கி வருகின்ற ஆரம்ப துடுபாட்ட ஜோடி (தவான், ரோஹித்) ஜோடியும், சுரேஷ் ரெய்னாவும் தன்னை தனது துடுப்பாட்டத்தை இன்றைய போட்டியில்
  சற்று அதிகமாகவே நிரூபிக்க வேண்டி இருக்கும். கடந்த போட்டிகளை  விட தவறுகளை சரியோ செய்து ஆக்ரோசத்துடன்  இந்த போட்டியில்  இந்திய அணி விளையாடுவது மட்டுமன்றி டோனி அஷ்வினை வைத்து கெய்லை  ஆட்டமிலப்பு செய்ய அதிகம் முயற்சி செய்வார் என்று நினைக்கின்றேன்.

வெற்றி வேட்கையுடன் மேற்கிந்திய தீவுகள் அணி.

இந்தப் போட்டிகள் ஆரம்பிக்க முன்பதாக மேற்கிந்திய தீவுகள் அணியின் தலைவர் டெரன் சமி கருத்தொன்றை முன்வைத்திருந்தார்.நாங்கள் இந்த ஆண்டு கிண்ணத்தை கைப்பற்றத்தான் வந்தோம் அந்த இலக்கை நோக்கி நிச்சயம் பயணிப்போம் என்று.

இந்த கருத்து சில வேளைகளில் மெய்யாகக் கூடிய சந்தர்ப்பங்கள் அதிகமாகவே இருக்கின்றன. காரணம் மேற்கிந்திய தீவுகள் அணி இந்த டி20 தொடரில் விளையாடி வருகின்ற விதம் அற்புதம் அதி அற்புதம். தான் பங்கு பற்றிய முதல் சுற்றுப் போட்டிகளில்( ஆப்கான் தவிர்த்த) மிக முக்கிய 03 அணிகளை (இலங்கை, இங்கிலாந்து, தென்னாபிரிக்கா) ஆகிய அணிகளை வெற்றிக் கொண்டு அசுர பலத்துடன் அரையிறுதிக்குள் நுழைந்திருகின்றது.

அணியின் முழு பலம் பல சகல துறை வீரர்கள் இருப்பது தான் கிரீஸ் கெயில் மட்டுமே போதும் எதிரணிகளை சிதறடிக்க,தவிரவும் டெரன் சமி,  சாமுவேல்ஸ், ப்ராவோ,ரசல், மாத்திரம் அன்றி இலங்கை அணியை சிதறடித்த ப்ளட்ச்சர் என்று ஒரு பலம் வாய்ந்த துடுப்பாட்ட வீரர்கள் மேற்கிந்திய தீவுகள் பக்கம். மேலும் ஐ.பி.எல் போட்டிகளின் மூலம் இந்திய ஆடுகளங்கள் பற்றிய சரியான புரிதல் அதிகமாகவே பிராவோ, கெயில், சமி ஆகியோருக்கு இருப்பதால் இந்த காரணியும் மேற்கிந்திய தீவுகள் அணியின் வெற்றிக்கு பங்களிப்பு செய்வதாக அமையும்.

மேலும் இன்றைய தினம் மேற்கிந்திய தீவுகள் அணியில் ப்லட்சருக்கு பதிலாக ப்லண்டன் சீமன்ஸ் அணியில் சேர்த்துக் கொள்ளப்பட்டுள்ளார்.  ப்லட்சருக்கு காயம் காரணமாக இந்த போட்டியில் ஓய்வு வழங்கப் பட்டிருக்கிறது. இந்தியாவுக்கு எதிராக நான் என்ன செய்யப் போகிறேன் என்று பாருங்கள் என்று கெய்லும் சவால் விடுத்துள்ளதும், நேற்றய தினம் கெயில் எனக்கு அவசரமாக ஒரு சதம் தேவைப்படுகிறது என்று ஒரு பட்டாசை கொளுத்தி போட்டு டுவிட் செய்திருந்ததும் இன்றைய போட்டியை அதிகம் ரசிகர்களின் பால் ஈடுபாடு ஏற்படுத்த உதவலாம்.

மேலும் மிக சிறந்த 02 விடயங்களும் இந்த போட்டியில் அதிகம் அவதானிக்கப்படும் என நினைக்கின்றேன். முதலாவது இந்திய அணியின் தடுப்பு சுவர் விராட் கொஹ்லி டி20 தரப்படுத்தலில் முதல் இடத்துக்கு வந்திருந்தார் கடந்த போட்டியில்  வெளுத்து வாங்கியிருந்ததன் மூலமும் இந்த தொடரில் அதிக ஓட்டங்களை பெற்ற வீரர்களின் பட்டியலில் விராட் கோஹ்லி இரண்டாமிடத்தில் (முதலிடத்தில் நேற்றைய போட்டியின் நாயகன் ரோய்*72 ) இருகின்றமையும் விராட் கோஹ்ளியின் தனிப்பட்ட துரத்தியடிக்கும் தன்மை காட்டி நிற்கின்றது.

மேலும் நேற்று முன்தினம் வெளியிடப்பட்ட ஐ. சி.சி யின் பந்து வீச்சாளர்களுக்கான   டி20 பந்து வீச்சாளர்கள் பட்டியலில் மேற்கிந்திய தீவுகள் அணியின் சுழற்பந்து வீச்சாளர் பத்ரி இருக்கின்றமையும் மேற்கிந்திய தீவுகள் அணிக்கு கூடுதல் பலம்.எல்லாவற்றையும் விட இன்றைய போட்டி நடைபெறுகின்ற மும்பை வன்கடெ மைதானம் முற்று முழுதாக துடுப்பாட்ட வீரர்களுக்கு சாதகமான மைதானம் என்கிற படியினாலும் இந்த மைதானத்தில் குறைந்த ஓட்டங்களாகவே 172 ஓட்டங்கள் ஆப்கானிஸ்தான் அணியினால் பெற்றுக் கொள்ளப்படிருக்கின்றன்மையும் இந்த மைதானம் பற்றிய புரிதலை ரசிகர்களுக்கு ஏற்படுத்தியிருக்கும். இந்த மைதானத்தில் இந்த தொடரில் மட்டும் பெறப்பட்ட ஓட்டங்கள் இதோ ( 230-8) , (229-4) , (209-5) , (183-4) , (182-6) , (172).

எது எப்படி இருந்தாலும் இன்றைய போட்டி இரண்டாவது அரையிறுதிப் போட்டி மும்பையில் ரசிகர்களின் கிரிக்கெட் ரசனைக்கு   தனியாக அமைகின்றதோ என்னவோ விறுவிறுப்புக்கு சற்றும் குறைவு இல்லாமல் இருக்கும். கெயிலின் அந்த புதிய நடனமும், கோஹ்ளியின் ஆக்ரோஷமும் சேசிங் செய்கின்ற முறையும் பெரிதும் வெளிப்படும் என எதிர்பார்க்கலாம்.